image Sa kushton të bëheni shtetas të Zvicrës? - Sinjali

Sa kushton të bëheni shtetas të Zvicrës?

news image

Shtetësia zvicerane është ndër më të kërkuarat në botë dhe duke pasur parasysh faktin se Zvicra është një nga vendet më të shtrenjta të botës, do të thotë që edhe shtetësia në kombin alpin ka të ngjarë të jetë e tillë.

Në këtë drejtim, TheLocal.ch, ka sjellë disa nga kostot më të zakonshme që duhet të paguani kur aplikoni për nënshtetësinë zvicerane.

Siç është tipike në Zvicër, shuma që ju do të paguani do të ndryshojë nga kantoni në kanton.

Pavarësisht se ku jetoni në Zvicër, në të vërtetë ekzistojnë tre nivele të ndryshme të shtetësisë: federale, komunale dhe kantonale.

Por, përveç kostove të ndryshme që duhet të paguani, ka edhe një larmi të gjerë në pyetjet që do të përballeni si pjesë e procesit të shtetësisë.

Kjo mund të çojë në pasoja absurde, si në rastin kur një italiani që jetoi në Zvicër për 30 vjet iu refuzua shtetësia, sepse ai nuk dinte mjaft për kafshët në kopshtin zoologjik lokal.

Por kjo është çështje tjetër.

Sipas një studimi nga Le Matin Dimanche, shuma që do të paguani për autoritetet kantonale dhe komunale mund të ndryshojë nga një minimum prej 500 frangash në më shumë se 3,000.

Studimi zbulon se kostot administrative mund të variojnë nga 500 deri në 1,600 franga në kantonin Jura, deri në 1,800–3,000 franga në Fribourg, varësisht nga komuna në të cilën jetoni.

Kostot në kantone të tjera përfshijnë 550 deri 800 franga në kantonin Vaud, 1.000 franga në Valais.

Në Gjenevë tarifat më parë bazoheshin në të ardhura, ato tani tarifohen me tarifë fikse në varësi të moshës dhe nëse aplikoni si individ apo çift, shkruan TheLocal.ch.

Ndërkohë, për kantonin e Cyrihut, kostoja është e shënuar në faqen kryesore të kantonit si 1200 franga për të rriturit e lindur jashtë të moshës mbi 25 vjeç.

Për personat nën 25 vjeç, autoriteti komunal ka hequr dorë kohët e fundit nga tarifat e aplikimit – megjithëse do t’ju duhet të paguani para në nivelin kantonal.

/GazetaSinjali/


Shpërndaje artikullin

Etiketat kryesore: