Goditjet e rrufeve kanë vrarë 20 persona në 8 krahina të ndryshme në shtetin lindor indian, Bihar, në 24 orë.
Pas parashikimit për më tepër rrufe në ditët në vijim, autoritetet i kanë bërë thirrje njerëzve që të ndjekin udhëzimet në mënyrë që të shmangin incidentet tragjike.
Qindra vetë vdesin çdo vit në Indi si pasojë e goditjes së rrufeve gjatë sezonit të shirave të rrëmbyeshëm. Një prej arsyeve kryesore është fakti se shumë njerëz punojnë në ambiente të hapura, çka i bën më vulnerabël.
Autoritetet kanë deklaruar se do të kompensojnë me 5000 dollarë familjet e viktimave.
Rrufetë janë shtuar ndjeshëm në vitet e fundit në Indi, sidomos në Bihar, për shkak edhe të pozicionit gjeografik, shkruan a2cnn.
Sipas shifrave zyrtare, gjatë periudhës prill 2020 – mars 2021, vendi u godit nga 18 milionë rrufe, një rritje me 34% krahasuar me të njëjtën periudhë të një viti më parë.
