Një stuhi e fortë dimri që ka kapluar Evropën, me erëra të fuqishme dhe reshje të mëdha shiu, ka lënë disa të vdekur dhe ka shkaktuar ndërprerje të udhëtimeve gjatë ditës së hënë.

U raportua për vdekje të lidhura drejtpërdrejt me stuhinë me tre shoferë, një në jug-perëndim të Republikës Çeke, një në veri të Sllovenisë dhe një tjetër në Angli pasi makinat e tyre u goditën nga pemët e rrëzuara nga erërat.

Në Poloni poashtu vdiqën dy njerëz pasi stuhia rrëzoi një çati të një ndërtese të pajisjeve dimërore në vendpushimin malor të Bukowina Tatrzanska, afër kufirit me Sllovakinë.

Në Suedi, një burrë u mbyt pasi varka ku ai dhe një person tjetër po lundronin në liqenin jugor të Fegenit u fundos. Personi tjetër është ende i zhdukur, sipas të përditshmes Aftonbladet.

Britania, e cila u përball me stuhinë gjatë ditës së dielë, po vlerëson dëmet dhe po punon për të rikthyer energjinë elektrike në 20 mijë shtëpi, raporton AP.

Në qytetin skocez Hawick, i cili kufizohet me Anglinë, një shtëpi mysafirësh dhe bistro u rrëzuan në lumin Teviot të Dielën, por për fat të mirë askush nuk u plagos.

Rrjetet e transportit në Britani mbeten të ndërprera me fluturimet, tragetet dhe trenat me anulime dhe vonesa.

Stuhia tani ka kaluar kryesisht nëpër Francë, megjithëse meteorologët paralajmëruan se ishulli mesdhetar i Korsikës mund të shohë erëra të larta deri në 200 km / orë më vonë të hënën.

Në Gjermani, ndërmarrjet e shërbimeve gjithashtu po përpiqeshin të rikthejnë rrymën në rreth 50 mijë shtëpi në Bavarinë veriore.

Stuhia, e cila u quajt “Sabine” në Gjermani, gjithashtu çoi në mbylljen e shkollave në disa qytete dhe rajone, përfshirë shtetin e Gjermanisë Veriore Rhine-Westphalia, ku disa njerëz u plagosën.

Meteorologët presin erëra deri në 140 kilometra në orë (87 km në orë) në zonat malore të Gjermanisë jugore./GazetaSinjali/