Të paktën 22 persona u lënduan kur shpërtheu dhuna mes turmës në një ndeshje në Meksikë.
Përplasja e Liga MX midis Queretaro dhe Atlas u ndërpre pas 63 minutash kur përleshjet u përhapën në fushën e stadiumit La Corregidora.
Disa lojtarë u përpoqën të qetësonin tifozët përpara se të dërgoheshin në dhomat e zhveshjes, shkruan BBC.
Policia lokale tha se dy persona u plagosën rëndë dhe nëntë u dërguan në spital.
Vizitorët Atlas kryesuan 1-0 kur ndeshja u ndërpre.
Presidenti i Liga MX, Mikel Arriola tha se të gjitha ndeshjet e së dielës janë pezulluar “në solidaritet me njerëzit e prekur”.
“Ata që janë përgjegjës për mungesën e sigurisë në stadium do të ndëshkohen”, shkroi ai në Twitter.
Futboll