image Rolls-Royce lanson “veturën më ambicioze që është krijuar ndonjëherë” - Sinjali

Rolls-Royce lanson “veturën më ambicioze që është krijuar ndonjëherë”

news image

Gjiganti i veturave, Rolls-Royce, zbuloi veturën e quajtur “Boat Tail”, një model veturash luksoze që e ka quajtur “vetura më ambicioze motorike e krijuar ndonjëherë”.

“Boat Tail” është një veturë me katër vende, me përmasa gati 5.8 metra të gjatë, me pjesën e pasme të veturës në formë si një kuvertë jahtesh. Vetëm tre do të bëhen, dhe çmimi i veturës nuk është publikuar.

Modeli i ri vjen ndërsa Rolls-Royce fillon një ndarje të re brenda biznesit të saj, Coachbuild, një program vetëm për ftesa që do të lejojë klientët më të nivelit të lartë të prodhuesit të porosisin vetura unike.

Çdo “Boat Tail” është personalizuar tek blerësi i saj, i cili bashkëpunoi me dizajnerë për katër vjet në veturat nën programin Coachbuild, transmeton Koha.net.

Më shumë se 1.800 pjesë të reja u zhvilluan për “Boat Tail”, secila prej të cilave ka karakteristika luksoze.

Duke e përshkruar atë si një “veturë të bukur dhe madhështore”, shefi ekzekutiv i Rolls Royce, Torsten Müller-Ötvös, ka thënë që klienti ishte i përfshirë në “çdo hap të udhëtimit” dhe se krijimi i veturave të tilla me porosi ishte “paratë nuk mund të blejnë përvojë”.  /Gazeta Sinjali/


Shpërndaje artikullin

Etiketat kryesore: