Pas verdiktit për Ratko Mladiqin, kanë reaguar edhe rrjeti i Nënave të Srebrenicës. Munira Subasiq kryetare e asociacionit “Nënat e Srebrenicës”, tha se krimineli Mladiq mori atë që e ka merituar.
Ajo ka thënë se ka pritur që Mladiq të dënohet për gjenocid edhe për komunat tjera ku janë kryer krimet gjatë luftës së Bosnjës, shkruan RadioSarajevo.
Ish-gjenerali i ushtrisë së Republika Srpskas, Ratko Mladiq, është dënuar me burgim të përjetshëm nga Tribunali i Hagës për gjenocid, krime lufte dhe krime kundër njerëzimit ndaj popullatës joserbe në luftën e Bosnjës.
Gjykata e Apelit ka refuzuar të gjitha ankesat e mbrojtjes së Mlladiqit.
