Deputeti nga LDK-ja, Anton Quni, ka kërkuar nga Qeveria e Kosovës të mos bie në kurthin e Serbisë.
Më tej Quni tha se situata e tensionuar në veri erdhi si pasojë e mos koordinimit me aleatët ndërkombëtar.
“Vetëm një detyrë e ka kjo qeveri, që mos të vazhdojë të bie në kurthet e kundërshtarit. Në sferën ushtarake të mbrojtjes dhe sigurisë, të njohësh armikun është detyrë, rrjedhimisht edhe përparësi e madhe. Ne e njohim më së miri kundërshtarët e shtetit tonë dhe demokracisë perëndimore. Prandaj do të ishte e pafalshme nëse ne vazhdojmë të bien në kurthin e Serbisë”, theksoi Quni.
Deputeti I LDK-së tha se Policia e Kosovës është në krye të detyrës, megjithëse i përmendi kryeministrit Kurti, siç tha poshtërimin e tyre sa ka qenë opozitar.
“Kanë qenë në krye të detyrës edhe kur i keni poshtëruar. Janë në krye të detyrës edhe sot dhe do të jenë përherë. Ata sot janë krenaria e Kosovës”, tha Quni.
