Përfaqësuesi i Shoqatës së Familjarëve të Personave të Pagjetur, Bajram Qerkini tha se Qeveria nuk e ka një plan-program për të punuar për çështjen e të pagjeturve.

Tutje Qerkini tha se kjo Qeveri para se të vijë në pushtet ka premtuar shumë, por ka bërë pak punë. 

“Çështja e personave të pagjetur do të thuhet fjala e parë dhe e fundit në Bruksel. Na nuk kemi pa plan-program ende edhe pse thonë se do të prezantojnë, edhe pse thonë do të jetë përfundimtare”.

“Zbardhja e fatit të pagjeturve e kanë shty mbrapa kur ka punuar Edita Tahiri  për çështje teknike kur ka fol për targa edhe për s’di çka ne i kemi thënë mos na i përzini targat me të pagjeturit ato janë punë teknike e të pagjeturit është një dhimbje e shtetit të Republikës së Kosovës dhe ma gjerë. Për personat e pagjetur s’ka marrëveshje plotë qe pesë muaj”.

Qerkini tha se me kryeministrin Albin Kurti është takuar vetëm kur ky i fundit u ka kërkuar vota.

“Ne jemi takuar kur ka lyp vota. Ne na thotë se krejt çka keni ju e keni Andin Hotin, kqyr se ai na e mbyll gojën me Andinin për shkak se ai e ka babën të pagjetur, por njeri i cili i din gjërat, por nuk përvojë nuk ka shans me punu diçka pa i thënë Albin Kurti”.

“Do të thotë të gjitha këto po t’i them se sa herë jemi taku ose sa herë kemi biseduar me të, ka thënë kjo çështje ka me qenë numër një dhe asnjë sen s’ka me bisedu. Çka targat?!”,

Edhe përkundër ankesave Qerkini thotë se dialogu me Serbinë duhet të vazhdojë edhe nëse asnjë njeri nuk gjendet, ngase pohon se dialogu është çështje politike, raporton EO.

“Kur ta thërret Brukseli s’ka qare pa shku. Me kënd ka me fol?, me Vuçiqin që ka qenë dorë e djathtë e udhëheqësisë kriminele për Kosovën. Pra Brukseli duhet të bëhet një trysni shumë më të madhe për me fol për personat të pagjetur, sidomos në këtë dy shtete të cilat po merren me politikë e nuk po merren me çështje humanitare për zbardhjen e fatit të pagjeturve”.

Sa i përket ekspertëve të mjekësisë ligjore, përfaqësuesi i personave të pagjetur tha se nuk kanë informacione nëse në takime po marrin pjesë personat përgjegjës.

“Na nuk e dimë kush janë ata ekspertë, unë nuk e di që e kanë marrë një ekspert të mjekësisë ligjore që kanë fol në Bruksel. S’kemi informata edhe këta thotë me ekspert, kush janë ata ekspert ?. Politiqarët nuk janë ekspertë për personat e pagjetur, ekspert unë i di ata që kanë eksperiencë të personave të pagjetur edhe ata që kanë kryer shkollë për ekspert hulumtimi”./GazetaSinjali/