image Qendra për Punë Sociale për rastin e 11-vjeçares: I kemi ofruar përkrahje e strehim

Sociale

Qendra për Punë Sociale për rastin e 11-vjeçares: I kemi ofruar përkrahje e strehim

news image

Drejtori i Qendrës për Punë Sociale në Prishtinë, Vebi Mujku, njoftoi të martën se 11-vjeçares e cila dyshohet se është dhunuar nga pesë persona i kanë ofruar përkrahje, strehim dhe shërbime profesionale.

Përmes një postimi në Facebook, Mujku tha se Qendra për Punë Sociale gjatë gjithë kohës është në bashkëpunim me të gjithë akterët e përfshirë në rast.

Tutje, ai shtoi se rasti është shumë i ndjeshëm, ndaj kërkoi që në çdo postim të ruhet identiteti i viktimës dhe të dyshuarve.

“Ne e dënojmë këtë rast shumë të rëndë dhe njëherit sigurojmë se do të vazhdojmë të ofrojmë të gjithë përkrahjen profesionale për të miturën bazuar në nevojat e identifikuara dhe në bazë të përgjegjësive ligjore e profesionale”, shkroi mes tjerash Mujku.

“Edhe në këtë rast do të bashkëpunojmë ngushtë me nivelin qendror dhe organizatat e shoqërisë civile për trajtim dhe ofrim të shërbimeve sa më kualitative”. 

/GazetaSinjali/