Komiteti i Gjilanit për menaxhimin dhe parandalimin e përhapjes së COVID-19, ka mbajtur mbledhjen e radhës vlerësuese të gjendjes, pas 12 rasteve të reja pozitive, brenda 24 orëve të fundit.

Brenda pesë muajve, bilanci i përballjes me pandeminë COVID-19 është si në vijim: 651 të rezultuar pozitivë në total, prej tyre 442 të shëruar, 182 raste janë ende aktive, ndërsa fatkeqësisht 27 qytetarë e kanë humbur betejen me COVID-19.

Në mbledhje po ashtu u bë e ditur se 47 pacientë janë të hospitalizuar në Spitalin e Përgjithshëm të Gjilanit, derisa mostra në pritje të rezultateve janë 30, të datave 12 dhe 13 gusht./Gazeta Sinjali/