image PZAP-i deklarohet rreth ankesave të partive për moscertifikim të kandidatëve të tyre

Kosovë

PZAP-i deklarohet rreth ankesave të partive për moscertifikim të kandidatëve të tyre

news image

Paneli Zgjedhor për Ankesa dhe Parashtresa ka përsëritur edhe njëherë se afati për shqyrtimin dhe vendosjen për ankesat e partive politike rreth moscertifikimit të listave të kandidatëve për deputet dhe apeleve tjera të natyrave të ndryshme, është 72 orë nga momenti i dorëzimit të tyre, shkruan Gazeta Sinjali.

Kështu PZAP-i ka bërë të ditur se vendimet për apelet e subjekteve politke do të merren nesër.

Afati për shqyrtimin dhe vendosjen e këtyre apeleve është 72 orë nga momenti i dorëzimit të këtyre apeleve nga palët në PZAP që i bie se vendimet do të merren deri nesër me date 26 janar 2021”, thuhet në njoftimin e tyre.

Njoftimi i plotë:

Përmes këtij njoftimi informojmë të gjitha mediat e Republikës së Kosovës e me gjerë se, PZAP-i përmes Faqes zyrtare dhe facebook të tij zyrtar, do të ju informoj në afatin më të shpejtë të mundshëm  për vendimet që do ti marrë lidhur me Apelet e paraqitura nga subjektet politike kundër vendimit te KQZ-së, për mos certifikim të subjekteve politike dhe kandidateve.

Afati për shqyrtimin dhe vendosjen e këtyre apeleve është 72 orë nga momenti i dorëzimit të këtyre apeleve nga palët në PZAP që i bie se vendimet do të merren deri nesër me date 26 janar 2021.

/Gazeta Sinjali/