Presidenti rus, Vladimir Putin, ka nënshkruar të hënën një ligj që i lejon atij të mbajë potencialisht pushtetin deri në vitin 2036, një veprim që zyrtarizon ndryshimet kushtetuese të miratuara nga votimi popullor i vitit të kaluar, njofton AP, transmeton Gazeta Sinjali.

Votimi kushtetues i 1 korrikut përfshiu një dispozitë që i rivendos kushtet e mëparshme të Putinit, duke e lejuar atë të kandidojë për president edhe dy herë.

Ligji përkatës i nënshkruar nga Putin u postua të hënën në portalin zyrtar të informacionit ligjor.

Presidenti 68-vjeçar rus, i cili ka qenë në pushtet për më shumë se dy dekada – më shumë se çdo udhëheqës tjetër i Kremlinit që nga diktatori sovjetik Josef Stalin – ka thënë se ai do të vendoste më vonë nëse do të kandidonte përsëri në vitin 2024 kur mandati i tij aktual gjashtë-vjeçar mbaron./Gazeta Sinjali/