Izraeli ka konfirmuar se dy pengje amerikane që mbaheshin nga Hamasi janë liruar.
Tani është publikuar fotografia e parë e tyre pas lirimit, shkruan BBC.
Nëna dhe vajza Judith dhe Natalie Raanan u morën peng nga Hamasi në Kibbutz Nahal Oz, në Izraelin jugor.
Ato ishin në mesin e 200 pengjeve të marra në Gaza nga Hamasi gjatë sulmeve të 7 tetorit.
Joe Biden, Presidenti i Shteteve të Bashkuara të Amerikës, në një deklaratë ka treguar për lirimin e dy amerikanëve Judith dhe Natalie Raanan, të cilët ishin duke u mbajtur peng në Hamas.
Ai theksoi se është i gëzuar që së shpejti ata do të ribashkohen me familjen e tyre, raporton BBC.
Biden tha se qytetarët amerikanë të mbajtur peng nga Hamasi që nga 7 tetori kishin duruar një sprovë të tmerrshme këto 14 ditët e fundit, duke shtuar se ata do të kenë mbështetjen e plotë të qeverisë amerikane derisa të shërohen.
Tutje ai falënderoi qeveritë e Katarit dhe Izraelit që kanë punuar së bashku për të bërë të mundur lirimin e tyre.
“Si president, nuk kam prioritet më të lartë se siguria e amerikanëve të mbajtur peng në mbarë botën”, tha Biden.
