Ministria e Jashtme e Bjellorusisë ka publikuar një foto të vendit ku sot pritet të zhvillohen negociatat Rusi-Ukrainë.
Në postimin e bërë në Twitter, shihet një tavolinë e gjatë dhe flamujt në krye.
“Në Bjellorusi, gjithçka është gati për negociatat Rusi-Ukrainë. Në pritje të mbërritjes së delegacioneve”, njoftoi ministria.
⚡️????????????????????????In Belarus, everything is ready to host Russia-Ukraine negotiations. Waiting for delegations to arrive pic.twitter.com/WSnPMyChwg
— Belarus MFA ???????? (@BelarusMFA) February 28, 2022
Një delegacion ukrainas do të takohet me një delegacion rus sot, për bisedime në kufirin Ukrainë-Bjellorusi, pas garancive të presidentit bjellorus, Alexander Lukashenko.
Njoftimi erdhi të dielën pasi forcat ukrainase u angazhuan në luftime të ashpra me trupat ruse në qytete të shumta anembanë Ukrainës.
Rusia po përballet me dënimin universal dhe sanksionet e shtuara nga fuqitë perëndimore për sulmin e paprovokuar të Moskës ndaj Ukrainës, tashmë në ditën e katërt.
Zëvendësministri i Brendshëm i Ukrainës, Evgeny Yenin tha se bisedimet do të zhvillohen të hënën në mëngjes sipas kohës lokale.
