image PSD del kundër marrëveshjeve Kosovë-Serbi të sponsorizuara nga Richard Grenell - Sinjali

COVID-19

Të infektuar

15142

Të shëruar

12674

Të vdekur

615

Reagimi/ PSD del kundër marrëveshjeve Kosovë-Serbi të sponsorizuara nga Richard Grenell

news image

Partia Socialdemokrate e ka kundërshtuar dy marrëveshjet e fundit Kosovë që i dërguari i posaçëm i presidentit amerikan Donald Trump për dialogun ndërmjet dy vendeve, Richard Grenell arriti t’i bëjë.

Duke përmendur linjën ajrore Prishtinë-Beograd dhe atë hekurudhore që është diskutuar së fundmi, PSD konsideron se çdo marrëveshje që nuk paraprihet nga ajo politike e njohjes reciproke cenon subjektivitetin politik të Republikës së Kosovës.

Sipas kësaj partie, negociatat midis LVV-së e LDK-së po bëhen për hise të pushtetit e jo për dialog, program e cilësi të qeverisjes.

Kjo pasi që sipas PSD-së, marrëveshja e re e cila është paralajmëruar nga ambasadori Richard Grenell në Beograd, është bërë me pëlqim nga partitë politike që po negociojnë për koalicion qeverisës.

“Edhe një marrëveshje tjetër Kosovë – Serbi po paralajmërohet. Kësaj radhe flitet për linjën hekurudhore. Sërish procesi është i mbyllur, kurse qytetarët e Kosovës po vendosen para aktit të kryer. Linja ajrore Prishtinë- Beograd e desubjektivoi Kosovën sepse baza juridike e marrëveshjes është Rezoluta 1244. Mënyra e njëjtë vështirë se prodhon rezultate të ndryshme. Marrëveshja e re u paralajmërua nga deklarata për shtyp e vizitës së ambasadorit amerikan Grenell në Beograd. Kjo deklaratë zbuloi edhe diçka: se krerët në pushtet e të opozitës kanë dhënë pëlqim për marrëveshjet e arritura pavarësisht përmbajtjes e pa i parë mirë ato. I pyetur nga Koha Ditore ambasadori Grenell ka thënë: “për marrëveshjen në fjalë e ka pëlqimin edhe nga qeveria në detyrë, por edhe nga partitë politike që po negociojnë për koalicionin qeverisës”.

Marrëveshjet e arritura nga ky proces, sipas PSD-së, janë të dëmshme sepse secila marrëveshje mbi fushën konkrete që nuk paraprihet nga marrëveshja politike e njohjes reciproke, cenon subjektivitetin politik të Republikës së Kosovës.

Sipas PSD-së, negociatat midis VV dhe LDK nuk duket se e kanë pasur subjekt diskutimi këtë çështje. Mosmarrëveshja e tyre nuk është dialogu me Serbinë, por as programi e cilësia e qeverisjes. Siç duket diskutimet e tyre lidhen vetëm për hisen e pushtetit.

“Marrëveshjet e tilla, larg syve të publikut dhe në dëm të shtetësisë së Kosovës nuk duhet të ndodhin. Kosova duhet t’i identifikojë dhe t’i mbrojë interesat jetike të saj në dialogun me Serbinë. Ndërkaq, arsyeja kryesore e kësaj gjendjeje bllokuese është fakti që ky proces ka qenë pjesë e llogarive ditore për ruajtjen ose marrjen e pushtetit”, shkruan Partia Socialdemokrate.


Shpërndaje artikullin