Prokurorët belgë kanë ngritur akuza ndaj një eurodeputeti tjetër, Marc Tarabella, për korrupsion në një skandal që ka tronditur Parlamentin Evropian, njofton e përditshmja belge Le Soir.
Tarabella, një socialist belg, u arrestua të premten. Le Soir citon prokurorët të thonë se ai u akuzua për korrupsion, pastrim parash dhe pjesëmarrje në një organizatë kriminale.
Avokati i Tarabella, Maxime Toller, tha se gjatë marrjes në pyetje nga autoritetet belge, klienti i tij mohoi të ketë kryer shkelje.
Skandali i ashtuquajtur Katargate filloi dhjetorin e kaluar kur autoritetet akuzuan katër persona të lidhur me Parlamentin Evropian – që e ka selinë në Bruksel – se kanë marrë para dhe dhurata në këmbim të favorizimit të Katarit, vendi organizator i Kampionatit Botëror të Futbollit./VOA
