KB Sigal Prishtina fitoi ndeshjen e gjashtë në Grupin B të Ligës Ballkanike dhe mbajti gjallë shanset për të dalë e para.

Skuadra kosovare priti Ironi Rain Nahariya dhe fitoi 84-61 duke i dhënë fund ecurisë së izraelitëve me 6 fitore radhazi, raporton Sinjali Sport.

Duhet thënë se kryeqytetasit kosovar e shfrytëzuan plotësisht faktin që ishte ndeshja e tretë në tre ditë për Ironin dhe kjo ndikoi në paraqitjen e tyre. Pas kësaj ndeshje të dyja skuadrat kanë 6 fitore me izraelitët që duhet të luajnë dy ndeshje dhe Sigal një tjetër – një vizitë në Izrael. Ajo ndeshje do të luhet javën e ardhshme dhe fituesi do të përfundojë i pari në grup.

Ironi shënoi 5 pikët e para të ndeshjes por shpejt Sigal arriti të rikthehet dhe e përfundoi çerekun me një ecuri 9-0 duke u rritur me 12 pikë. Në të dytën vendasit vazhduan të kenë epërsi pasi kontrolluan diferencën dhe shkuan në avantazh me 10 pikë më shumë.

Bardhekaltërit e nisi më mirë në çerekun e tretë dhe krijoi një epërsi prej 18 pikësh, vendasit vazhduan të kontrollonin lojën edhe pas kësaj, pasi Ironi po përpiqej të afrohej, por nuk arriti kurrë në një shifër të përafërt.

Pas 30 minutash, vendasit ishin 15 pikë përpara dhe falë një ecurie 10-2 për të nisur çerekun e katërt, e rritën në 23 dhe ndeshja përfundoi pak a shumë njëjtë. Deri në fund asgjë nuk ndryshon pasi skuadra vendase lundroi për një fitore komode. /Gazeta Sinjali Sporti/