Presidenti i vendit, Hashim Thaçi, është solidarizuar me Shtetet e Bashkuara të Amerikës pas rritjes së numrit të personave të vdekur nga pandemia Covid-19 atje.

Nëpërmjet një postimi në profilin zyrtar në Twitter, Thaçi ka thënë se momente si këto janë kohë për të reflektuar ndikimin tonë në këtë kohë pandemie dhe të qëndrojmë në shtëpi, shkruan Gazeta Sinjali.

“Zemrat dhe mendjet tona janë me Shtetet e Bashkuara të Amerikës tek shohim rritjen e numrit të viktimave të virusit COVID19. Ngushëllime familjeve të viktimave. Momente si këto janë kohë për të reflektuar për ndikimin tonë në këtë kohë pandemie dhe të qëndrojmë në shtëpi, që t’i ulim shansat e shpërndarjes dhe të shpëtojmë jetë”, ka shkruar ai./GazetaSinjali/