Presidenti i Kroacisë, Zoran Milanoviq, ka komentuar zhvillimet e fundit që kanë ndodhur në veri të Kosovës, pas vendimit të fundit të Qeverisë për vendosjen e reciprocitetit me targa ndaj Serbisë, shkruan Gazeta Sinjali.
Ai ka thënë se edhe pse situata nuk e kërcënon drejtpërsëdrejti Kroacinë, vendi i tij i ka vëzhguar zhvillimet në veri të Kosovës.
“Kosova i është përgjigjur reciprokisht asaj që Serbia ka bërë për 20 vjet. Unë e di. Siç do të thoshin në një shtet fqinj, “ujku ka të drejtë për delet e tij dhe një tiran ndaj një njeriu të dobët”, ka thënë ai.
Tutje ai ka thënë se ka ende një situatë të pazgjidhur në rajon, kjo sepse Beogradi flet ende për botën serbe.
“Ne kemi një situatë të pazgjidhur në rajon, ka një qeveri në Beograd që flet për botën serbe”, tha ai.
Ai paralajmëroi se Subotica dikur ishte një qytet kroat me një përqindje të lartë të popullsisë kroate, më e madhe se të gjitha komunitetet provinciale serbe në Kroaci, por se askush nuk ka ndërmend ta quajë Suboticën një “botë kroate” sepse është Republika e Serbisë, Vojvodina, aty ku kroatët jetojnë.
