Emmanuel Macron tha se duhet të ketë një “pauzë humanitare” shumë shpejt në Gaza dhe se duhet të ketë një shtytje drejt një armëpushimi.
“Në afat të menjëhershëm, ne duhet të punojmë për mbrojtjen e civilëve. Për ta bërë këtë, ne kemi nevojë për një pauzë humanitare shumë shpejt dhe ne duhet të punojmë drejt një armëpushimi”, tha Macron në një fjalim në Paris.
“Civilët duhet të mbrohen, kjo është e domosdoshme dhe e panegociueshme dhe është një domosdoshmëri imediate”, shtoi ai.
Aleatët e Izraelit kanë shmangur thirrjet për një armëpushim, por në vend të kësaj kanë bërë thirrje për “pauza humanitare” për të lejuar ndihmën. Komentet e Macron duket se shkojnë më tej.
Franca po pret sot një konferencë ndërkombëtare humanitare për Gazën, me qëllim që të ndihmojë popullatën civile, megjithëse pritshmëritë janë të ulëta për përparim.
