image Policia përdor sprej për ta arrestuar 58-vjeçarin në Junik, iu vërsul zyrtarëve dhe s’u bindej urdhrave

Siguri

Policia përdor sprej për ta arrestuar 58-vjeçarin në Junik, iu vërsul zyrtarëve dhe s’u bindej urdhrave

news image

Nuk janë të rralla rastet kur zyrtarët policorë ballafaqohen me kërcënime serioze nga qytetarë në qytete të ndryshme të Kosovës. Shpesh herë kërcënimet verbale eskalojnë, duke i penguar në kryerjen e detyrave, raporton Gazeta Sinjali.

Një rast i tillë ka ndodhur edhe sot, në qendër të Junikut, ku Policia është ballafaquar me një 58-vjeçar, i cili tentoi t’i sulmojë.

Sinjali mëson se gjithçka ndodhi pasi Policia ishte duke intervenuar në një rast, ku një qytetar i dehur ishte rrëzuar dhe kishte thyer xhamin e një lokali. Derisa zyrtarët policorë ishin në vendin e ngjarjes, i dyshuari ishte ndalur para tyre, duke i ofenduar e më pas papritmas del nga vetura dhe iu vërsulet policëve.

Burimet thonë se Policia disa herë i kishte kërkuar të dyshuarit të largohej, por i njëjti ka shpërfillur urdhrat, me ç’rast kanë hasur në rezistencë.

Për ta vënë nën kontroll, Policia është detyruar të përdor sprej ndaj të dyshuarit, i cili është arrestuar dhe shoqëruar në stacion policor për intervistim.

Me urdhër të Prokurorit, ndaj të dyshuarit është iniciuar rasti për “pengim i personit zyrtar gjatë kryerjes së detyrës zyrtare”.

/GazetaSinjali/