Policia kroate ka dalë me disa informacione të reja lidhur me aksidentin tragjik në Kroaci, ku vdiqën 10 mërgimtarë dhe u lënduan mbi 40 të tjerë.
Në njoftimin e policisë atje thuhet se shoferi i autobusit është dërguar në burgun e Pozhegës dhe identiteti i të gjitha viktimave është zbuluar.
“”Dje (27 korrik), gjyqtari hetues mori në pyetje 52-vjeçarin dhe më pas atij iu caktua një muaj paraburgim. Në të njëjtën ditë, i pandehuri është dërguar në burgun e Pozhegës. Është e rëndësishme të theksohet se identitetet e dhjetë viktimave janë vërtetuar”, thuhet në njoftimin e policisë, shkruan portal kroat Index.Hr.
Trupat e viktimave që vdiqën në aksidentin tragjik në Kroaci, pritet që të arrijnë në Kosovë sot rreth orës 12:00, derisa të mbijetuarit kanë arritur mbrëmë në vend.
