Më 11 prill 2021, Policia në Suharekë kishte marrë informacion se në tri raste kishte të organizuara ahengje familjare (dasma) në kundërshtim më Vendimin e Qeverisë Nr.01/05 dhe ligjit Nr.07/L-006 për Parandalimin dhe Luftimin e Pandemisë COVID-19.

Policia thotë se për këto raste, ka intervenuar duke ndaluar aktivitetin e menjëhershëm dhe duke vepruar në bazë të ligjit, ku sipas dispozitave organizatorët janë ndëshkuar me tiketa në vlerë prej 200 euro.

“Gjithashtu policia ka monitoruar dhe kontrolluar lokalet e gastronomisë, nga të cilët ka kërkuar të respektohen Vendimi i Qeverisë dhe rekomandimet e IKSHP-së. Në lidhje më këtë policia ka asistuar Inspektorët Komunal në një rast dhe ka shqiptuar 18 tiketa për mosmbajtje të maskës”, thuhet në njoftim. /Gazeta Sinjali/