Policët turq nuk u kanë besuar syve teksa kanë peshuar sasinë e arit që mbante me vete shqiptarja Fatime Reçi kur u ndalua dy ditë më parë në aeroportin e Stambollit.
Asaj iu kapën dy lingota ar me peshë totale 3.1 kilogram; një numër i madh byzylykësh ari dhe 17 ora të shtrenjta.
Ata dyshuan menjëherë pasi e panë gruan sepse çanta që kishte varur në pjesën e barkut peshonte shumë.
Pasi e kanë ndaluar dhe i kërkuan që të hapte çantat policët bllokuan të gjithë sasinë e arit dhe orëve të shtrenjta.
E gjithë ajo që Fatime Reçi mbante në çantën e saj ka një vlerë totale prej 5 milion lira turke ose rreth 370 mijë dollar amerikan.
