Drejtori i të ashtuquajturës zyre serbe për Kosovën, Petar Petkoviq, ka deklaruar se “arrestimi i ri i ish-policit serb Sllagjan Trajkoviq tregon se kryeministri i Kosovës Albin Kurti vazhdon gjuetinë e serbëve dhe nuk dëshiron të qetësojë tensionet”.
Petkoviq pyeti në Twitter se “si po shfaqen papritmas provat kundër serbëve që u larguan nga institucionet e Kosovës, të cilat “nuk ekzistonin” derisa ishin pjesë e tyre”.
“Arrestimi i ri i ish-policit serb Sllagjan Trajkoviq në Kosovë tregon se Kurti vazhdon me gjueti të serbëve, nuk dëshiron të qetësojë tensionet dhe të de-përshkallëzojë situatën! Si u paraqitën përnjëherë provat kundër serbëve që u larguan nga institucionet që nuk ekzistonin kur ishin pjesë e sistemit të Kosovës?”, ka shkruar Petkoviq në Twitter.
