Pesë fëmijë kanë vdekur nga një zjarr që është shkaktuar në një kopsht, në Pensilvani të Shteteve të Bashkuara të Amerikës.

Sipas autoriteteve amerikane, viktimat janë të moshës nga tetë muaj deri në shtatë vjeç, transmeton Sinjali.

Ndërsa, katër persona të tjerë u lënduan, duke përfshirë dy adoleshentë që u hodhën nga një dritare e katit të dytë. Të lënduar mbetën edhe pronari i shtëpisë së bashku me një fqinj që u përpoq të hynte në kopsht për të shpëtuar viktimat.

Ende nuk dihen shkaqet që shkaktuan zjarrin dhe autoritetet përkatëse po punojnë në ndriçimin e rastit./Sinjali/