Presidentja e Komisionit Evropian, Ursula von der Leyen në përvjetorin e fillimit të agresionit rus në Ukrainë, ka thënë se përpara BE-së dhe Ukrainës pret një e ardhme e unitetit.
“Një vit i agresionit brutal rus. Një vit i rezistencës heroike ukrainase. Një vit i solidaritetit evropian. Përpara nesh është e ardhmja e unitetit. Ju po luftoni për liri, demokraci dhe për vendin e juaj në Bashkimin Evropian. Ne jemi me ju, për aq kohë sa duhet”, ka shkruar von der Leyen në Twitter.
