Gazeta Sinjali pak më parë raportoi se shtatë persona dyshohet se janë helmuar nga ushqimi në një lokal në Prizreni. Sinjali mëson se personat që dyshohet se u helmuan janë nxënës të shkollës fillore “Fadil Hisari”.
Nxënësit janë dërguar për trajtim në spitalin e Prizrenit, ndërsa lokali është mbyllur. Ata dyshohet se kanë ngrënë pica që i kishin blerë në furrën e bukës që gjendet pranë shkollës.
Burimet e Sinjalit kanë njoftuar se nxënësit kane pasur simptoma të helmimit, të manifestuara me vjellje, por që gjendja shëndetësore e tyre për momentin është e mirë.
Furra e bukës është mbyllur nga inspektorët sanitarë.