Mesut Ozil nuk po planifikon të largohet nga Fenerbahce pavarësisht se është përjashtuar nga skuadra për një kohë të pacaktuar, sipas agjentit të lojtarit, transmeton Sinjali Sport.
Një postim në Twitter nga gjigantët turq javën e kaluar konfirmoi se ish-ylli i Real Madrid dhe Arsenal është përjashtuar nga skuadra e trajnerit të përkohshëm Ismail Kartal së bashku me Ozan Tufan, i cili ishte i huazuar në Watford sezonin e kaluar.
“Football.london” pretendoi se mesfushori ofenziv ishte përfshirë në një grindje verbale me Kartal në fitoren e tyre kundër Konyaspor 10 ditë më parë dhe ndër arsyet e tjera thuhet se ishin shqetësimet për gjendjen fizike të futbollistit.
Ozil theu heshtjen e tij për këtë çështje javën e kaluar me një postim në Twitter, duke postuar një foto të flamurit të Turqisë dhe ngjyrave të klubit, me mesazhin: “Gjëja kryesore është Fenerbahce”.
Megjithatë, agjenti i tij Erkut Sogut pretendon se ai do të mbetet lojtar i Fenerbahçes deri në fund të kontratës së tij në vitin 2024, të cilën ai e nënshkroi pasi u bashkua nga Arsenali në janar të vitit të kaluar.
“Mesut nuk donte ta bënte të vështirë në mjedisin aktual. Duke qenë se nuk dëshiron ta lërë vetë Ozanin, stërvitet me të”, u tha Sogut gazetarëve përmes Fanatik. Kjo është ajo që ka kuptim tani për shkak të ngjarjeve të trishtueshme me trajnerin. Ngjarje të tilla janë gjithmonë të trishtueshme. Një proces i pakëndshëm ka nisur për të dyja palët. E rëndësishme është të qëndroni të qetë dhe të prisni vendimin përfundimtar. Këtë e them qartë këtu. Mesut nuk do të shkojë askund dhe sigurisht që nuk ka plane të largohet. Ai do të vazhdojë këtu si lojtar i Fenerbahçes edhe dy vite deri në fund të kontratës“, ka deklaruar ndër të tjerash agjenti i Ozil.
33-vjeçari nënshkroi me Fenerbahcen për tre vjet e gjysmë, gjashtë muaj prej të cilëve luajti falas.
