Fare pak minuta ka zgjatur takimi ndërmjet kryeministrit në detyrë, Albin Kurtit dhe presidentit Hashim Thaçi.

Pas takimit, Kurti ka thënë se i janë përgjigjur përpjekjeve dhe pyetjeve të presidentit për formimin e qeverisë së re. Ai tha se presidenti është zotuar se do ta zbatojë ligjin e Kushtetutën dhe praktikat e mëhershme, raporton Gazeta Sinjali.

“Pyetjeve dhe përpjekjeve të presidentit për formimin e qeverisë së re i jemi përgjigjur me qëndrimet tona… Kushtetuta thotë se pas mocionit, ajo që ngelet është të shkohet në zgjedhje të reja”.

“Presidenti u zotua që do ta zbatojë ligjin, Kushtetutën dhe praktikat e mëhershme. E ne e dimë se si kanë qenë praktikat e mëhershme. Pas mocionit është shkuar në zgjedhje”, tha Kurti. /Gazeta Sinjali/