Ka përfunduar takimi mes kryeministrit të Kosovës, Albin Kurti dhe presidentit serb, Aleksandar Vuçiq, në Bruksel, shkruan Gazeta Sinjali.

Pas takimit, presidentin serb, Aleksandar Vuçiq, është deklaruar për media ku ka potencuar se për herë të parë ‘nuk di se çfarë të thotë’.

“Për herë të parë, nuk di çfarë të të them”, tha Vuçiq në fillim të fjalës së tij.

Ai ka thënë se nuk janë përdorur fyerje në takim, por “përgjigje të rrepta”.

“Ai erdhi duke mos u pajtuar për asgjë. Erdhi e më pyeti se kur do ta njohim Kosovën. I kam thënë kurrë. Ka shpërthyer”, ka thënë Vuçiq për Kurtin, shkruajnë mediat serbe.

Siç deklaroi ai, shqiptarët nuk duan të flasin për Asociacionin e Komunave Serbe.

“Ata i quajnë incidente dhe provokime fakti që serbët duan të marrin pjesë në liturgji. Unë isha i butë, nuk doja të vija në dukje gjëra të tjera, mungesën e realitetit dhe përgjegjësisë. Ajo që është e rëndësishme për ne, ne gjithashtu biseduam për personat e zhdukur“, tha presidenti serb.

Presidenti i Serbisë zbuloi mënyrën në të cilën ai bisedoi me Kurtin, duke theksuar se ai kurrë nuk e kaloi kufirin dhe se ai nuk mund të heshte për disa sulme nga pala tjetër.

“Unë nuk u betova për askënd, mbase isha relativisht i mprehtë. Dhe nuk mund të mos jesh kur dikush të tregon për Veljko Odaloviq në temën e personave të zhdukur. Sigurisht që u përgjigja, por nuk e kalova kufiri. Është më mirë që ata të dëgjojnë gjithçka nga përfaqësuesit evropianë”, tha Vuçiq, duke shtuar se ata nuk ranë dakord për asgjë gjatë takimit.

Gjithashtu, Vuçiq ka shtuar se Borelli do të ja përcjellë presidentit amerikan atë se çka ka ndodhur sot në dialog. Mirëpo, sipas tij nuk duhet harruar fakti që Amerika i ka ndihmuar Kosovës të çlirohet.

Jam i sigurt që Borell do t’ia përcjellë Biden në një mënyrë të drejtë dhe precize atë që ndodhi këtu. Por mos harroni se Amerika dhe Gjermania morën pjesë në krijimin e asaj që ata e quajnë “Kosova e pavarur”./Gazeta Sinjali/