Instituti Kombëtar i Shëndetësisë Publike të Kosovës (IKSHPK) i ka publikuar rezultatet e fundit për viktimat, rastet e reja dhe të shëruarit nga koronavirusi.

Gjatë 24 orëve të fundit janë shëruar 136 pacientë, raporton Gazeta Sinjali.

Numri i përgjithshëm i të shëruarve deri më sot është gjithsej 3,505.

Ndërkaq, sot janë konfirmuar gjithashtu 181 raste të reja me COVID-19.

Numri total i rasteve pozitive është 6,467 raste nga 32,795 persona të testuar për COVID-19.

Aktualisht numri i rasteve aktive është 2,804.

Deri tani, 158 persona kanë vdekur. Ata, sipas IKSHPK-së kanë pasur edhe sëmundje të tjera shoqëruese. /Gazeta Sinjali