Grupi Parlamentar i Partisë Demokratike të Kosovës nuk ka ndryshuar qëndrim për votimin në parim të Projektligjit për Rimëkëmbje Ekonomike.
Deputetja e PDK-së, Evgjeni Thaçi Dragusha tha se Grupi Parlamentar i PDK-së mban të njëjtin qëndrim për ta kundërshtuar këtë projektligj.
“GP i PDK nuk ka ndryshuar qëndrim rreth pakos, presim ndoshta koalicioni qeverisës i ka siguruar votat. Ne kemi propozimin tonë për pako dhe vazhdojmë me të njëjtin qëndrim”, tha ajo.
Kuvendi pritet në çdo moment t’i hap punimet e seancës së jashtëzakonshme me të vetmen pikë të rendit të ditës për votimin e Projektligjit për Rimëkëmbje Ekonomike. /Gazeta Sinjali/
