Pas ish-presidentit të Kosovës, edhe ish-kryetarit të Kuvendit të Kosovës, Kadri Veselit i është vazhduar paraburgimi nga Specialja.
Gjykata Speciale, ndonëse është ditë pushimi në Kosovë, ka vazhduar punën e saj, përkundër që është gjykatë e Kosovës.
Vendimi është nxjerrë nga kryetari i Trupit Gjykues, Charles Smith.
Me këtë rast, i është dhënë afat Prokurorisë që parashtresat për rishikimin tjetër të paraburgimit t’i dërgojë deri më 27 prill.
Në vendimin e publikuar sot, Gjykata Speciale thekson se arsyet e mbajtjes së Veselit në paraburgim vazhdojnë të jenë të qëndrueshme.
