Për rreth dy milionë njerëzve u është kërkuar të evakuojnë shtëpitë e tyre pas reshjeve të mëdha të shiut në disa pjesë të Japonisë.

Paralajmërimet për nivele më të larta të shiut janë lëshuar në një numër prefekturash, përfshirë në Fukuoka dhe Hiroshima, shkruan BBC, transmeton Gazeta Sinjali.

Si pasojë e motit të keq një grua ka vdekur teksa burri dhe vajza e saj janë zhdukur, pas rrëshqitja e dheut shkatërroi dy shtëpi në prefekturën Nagasaki.

Më shumë se 150 trupa, përfshirë policë dhe zjarrfikës janë dërguar për të ndihmuar me operacionet e shpëtimit në zonë.

“Ata po kërkojnë me kujdes banorët e zhdukur, derisa tregohen vigjilentë për rrëshqitje të mëtejshme të dheut, ku po vazhdon shiu i madh”, tha një zyrtar lokal për agjencinë e lajmeve AFP. /GazetaSinjali/