Agresioni rus në Ukrainë dhe fakti që Serbia nuk e ka dënuar atë, ka krijuar përshtypjen se projekti rajonal për Ballkanin e Hapur mund të jetë tashmë një ide e vdekur.
Por, kryeministri Edi Rama ka deklaruar gjatë një takimi në Lushnje, se Ballkani i Hapur është “një hap shumë i rëndësishëm përpara” dhe se sot në kushtet e kësaj që po ndodh, pra luftës në Ukrainë, “është edhe më i rëndësishëm seç ishte dje”.
“Ballkani i Hapur nuk ka lidhje me këtë. Nuk është ndryshim linjash themelore të politikës sonë të jashtme, në aspektin e aleancave, partneriteteve, etj.
Është hap shumë i rëndësishëm përpara.
Sot në kushtet e kësaj që po ndodh, është edhe më i rëndësishëm seç ishte dje, në këndvështrimin tim.
Koha do ta tregojë këtë gjë“, tha Rama.
Deri tani vetëm tre vende kanë treguar gatishmëri dhe entuziazëm për “Ballkanin e Hapur”, Shqipëria, Serbia dhe Maqedonia e Veriut.
