Raportet nga Franca pohojnë se Milani do të festojë kualifikimin në Champions League duke tentuar të nënshkruajë me Riyad Mahrez nga Manchester City.
Kuqezinjtë e siguruan vendin e tyre në kompeticion falë fitores së mbrëmshme në kohën shtesë 2-1 ndaj Lazios, e cila garantoi një përfundim në top katërshe.
Kjo do të thotë se Milani mund të bëjë investime të mëdha në verë, së bashku me negociatat e avancuara për të shitur një pjesë ose të gjithë klubin tek fondi sovran i Bahreinit Investcorp.
Sipas Footmercato, Milani i ka vënë sytë te Mahrez për të përforcuar frontin sulmues dhe për të sjellë përvojë të vlefshme në krah.
Ai sapo ka mbushur 31 vjet në shkurt dhe mund të luajë në një sërë rolesh sulmuese, veçanërisht në krahun e djathtë, ku kuqezinjtë kanë alternativa të pakta.
Algjeriani është në formë të mirë me 23 gola dhe tetë asistime në 42 ndeshje konkurruese për Manchester City këtë sezon.
Kontrata e tij do të skadojë në qershor 2023, kështu që Mahrez është në dispozicion për një tarifë relativisht të vogël.
