Avokati i Kadri Veselit, Ben Emmerson, është ankuar që Prokuroria Speciale nuk ka dhënë ende dosjen paraprake për rastin e ish-krerëve të Ushtrisë Çlirimtare të Kosovës, raporton Gazeta Sinjali.

Kjo ankesë e tij bëri që gjykatësi francez, Nicollas Guillou, t’ia tërheq vërejtjen prokurorisë se ka zvarritur çështjen e dosjes paraprake dhe t’ia bëjë të ditur se do të japë një urdhër për datën se kur ajo duhet të dorëzohet.

“Unë do të vendos për dhënien e dosjes paraprake, do të vendos afat. Po i afrohemi 1-vjetorit të procedurës paraprake dhe duhet të vendosim për afatet”, tha ai.

Ai bëri të ditur se ky afat do të jepet qysh në seancën e radhës për ecurinë e çështjes, e cila do të mbahet më 29 tetor./Gazeta Sinjali/