image Pamje që përlotën edhe ushtarët, nënat afgane hedhin fëmijët përtej rrethojës mbrojtëse me tela gjembor - Sinjali

Pamje që përlotën edhe ushtarët, nënat afgane hedhin fëmijët përtej rrethojës mbrojtëse me tela gjembor

news image

Në mediat botërore dhe rrjetet sociale janë shfaqur video rrëqethëse, e në veçanti të një nëne që mundohet që foshnjën e saj ta kalojë përmes telave gjembor dhe t’ia dorëzojë ushtarëve britanikë në aeroportin e Kabulit, me shpresën se do ta dërgojnë diku në ndonjë vend më të sigurt.

“Nënat bënin të pamundurën që t’i largojnë fëmijë derisa rriheshin brutalisht nga talebanët. Madje bërtisnin ‘shpëtoni foshnjën time’, duke na i hedhur neve, e ka pasur edhe prej atyre që binin në telat gjembor. Ka qenë skenë e tmerrshme. Deri në orët e vona nuk ka pasur pjesëtarë të stafit tonë që nuk ka qarë”, ka thënë një oficer i ushtrisë britanike.

Hyrja në hotelin Baron është bërë vatër ku janë mbledhur afganët që po kërkojnë vendstrehim diku në Britani të Madhe, me shpresën se do t’i ikin terrorit të talebanëve.

Britania e Madhe aktualisht është duke evakuuar qytetarët dhe afganët që kanë punuar për qeverinë gjatë 20 viteve të fundit. Videoja më e re që ka përshkuar botën, është realizuar në Kabul dhe në të shihet një grup i madh i njerëzve duke shtyrë rrethojnë e telave gjembor.

Në një moment shihet një foshnje e ngritur lart në ajër – ku shihej si tentim për ta hedhur përtej telave gjembor, pra në zonën që kontrollohet nga forcat perëndimore./Gazeta Sinjali/


Shpërndaje artikullin