Presidentja e Kosovës, Vjosa Osmani-Sadriu, ka deklaruar se avancimi i rrugës euro-atlantike të Kosovës është i rëndësisë gjeostrategjike.
Në konferencën ndërkombëtare për demokracinë dhe lirinë e mediave, që është mbajtur në Potsdam të Gjermanisë, ajo ka vlerësuar se liberalizimi i vizave për qytetarët e Kosovës forcon kredibilitetin e BE-së në vend.
Në profilin e saj në “Facebook”, ajo ka postuar fjalimin e saj mbi strategjinë e sigurisë në Evropë si dhe rolin e Kosovës në forcimin e demokracisë dhe aleancave me partnerë perëndimor.
