Teoria që shpërthimi i koronavirusit rrodhi nga një laborator kinez në Wuhan nuk është përjashtuar, sipas një eksperti shëndetësor të lidhur me OBSH-në.

Dr Dale Fisher, Kryetar i Rrjetit Global të Alarmit dhe Reagimit të Përhapjes, i cili koordinohet nga OBSH, tha se hetimet e OBSH-së për origjinën e virusit sapo kanë filluar.

“Teoria e rrjedhjeve nga laboratori nuk është në tryezë, ka më shumë hulumtime për të bërë”, tha ai duke folur për BBC Radio 4’s World.

Një vizitë hetimore nga ekspertët e OBSH-së në fillim të këtij viti, e cila ishte kontrolluar shumë nga autoritetet kineze, arriti në përfundimin se është jashtëzakonisht e pamundur që pandemia të fillonte me një incident laboratorik.

Mirëpo Fisher tha se kjo teori mbeti e paverifikuar përkundër një raporti, nga inteligjenca amerikane. Kjo e fundit pretendonte se tre anëtarë të stafit në laborator ishin sëmurë me COVID-19, në fillim të dhjetorit 2019.

“Ne besojmë se të gjithë punëtorëve të laboratorit u është bërë serologjia [testet] dhe të gjitha ato teste të antitrupave ishin negative dhe kjo ishte pjesë e arsyes pse rreziku u minimizua”, tha Fisher.

Ai shtoi se OBSH-ja mund t’i bëjë vetes një favor, duke përshkruar planet për hetime të mëtejshme, sepse njerëzit me të vërtetë nuk kanë dëgjuar asgjë që kur misioni i shkurtit është bërë dhe prandaj mendojnë është ndaluar së kërkuari origjina e koronavirusit, cila është e vërteta, ajo sapo ka filluar vërtet.

Ai gjithashtu sugjeroi që fshehtësia e Kinës për origjinën e virusit mund të nxitej nga frika e pretendimeve për kompensim.

“E vetmja mënyrë që në të vërtetë të mund të arrini në fund të kësaj, është vetëm të thoni – shiko se nuk ka ndëshkime, ne vetëm duhet ta zgjidhim këtë”, tha Fisher.  /Gazeta Sinjali/