Është duke u zhvilluar votimi i Asamblesë së Përgjithshme të OKB-së në lidhje me një rezolutë të menjëhershme të armëpushimit Izrael-Palestinë, raporton Skynews.
Rezoluta kërkon lirimin pa kushte të të gjithë pengjeve dhe që të dyja palët të respektojnë ligjin ndërkombëtar, veçanërisht në lidhje me mbrojtjen e civilëve.
Kjo vjen pasi Shtetet e Bashkuara vendosën veton ndaj një lëvizjeje të tillë në Këshillin e Sigurimit të premten.
Ndryshe nga rezolutat e Këshillit të Sigurimit, rezolutat e Asamblesë së Përgjithshme nuk janë ligjërisht të detyrueshme – dhe nuk ka të drejtë vetoje, vetëm një shumicë e thjeshtë kërkohet që ajo të kalojë.
Rezolutat si kjo kanë peshë politike dhe pasqyrojnë pikëpamje globale.
Çfarë kërkon rezoluta?
Presidenti i Asamblesë së Përgjithshme, Dennis Francis, hapi mbrëmjen me disa komente që përshkruan rezolutën.
“Ne kemi një prioritet të vetëm – vetëm një – për të shpëtuar jetë”, tha ai.
“Ndaloni këtë dhunë tani”, shtoi ai.
Pikat kryesore të rezolutës përfshijnë:
Thirrje për një armëpushim të menjëhershëm humanitar;
Kërkesë që të gjitha palët të respektojnë detyrimet e tyre sipas ligjit ndërkombëtar – veçanërisht në lidhje me mbrojtjen e civilëve;
Kërkesë për lirimin e menjëhershëm dhe pa kushte të të gjithë pengjeve, si dhe sigurimin e qasjes humanitare.
