Organizata Botërore e Shëndetësisë (OBSH) ka kritikuar procesin e shpërndarjes së vaksinave të koronavirusit në Evropë  dhe e ka cilësuar atë “të ngadaltë e të papranueshëm”, shkruan Gazeta Sinjali.

Drejtori i OBSH-së për Evropën Hans Kluge, ka thënë se situata në rajon është më shqetësuese sesa ka qenë për disa muaj.

Fushatat e vaksinimit në pjesën më të madhe të Evropës janë goditur nga vonesat dhe numri i infeksioneve në rritje.

“Vaksinat paraqesin mënyrën tonë më të mirë për të dalë nga kjo pandemi … Sidoqoftë, shpërndarja e këtyre vaksinave është në mënyrë të papranueshme e ngadaltë” dhe po zgjat pandeminë në rajonin e gjerë të Evropës”, tha Kluge në një deklaratë, raporton BBC.

 “Ne duhet të shpejtojmë procesin duke përshpejtuar prodhimin, duke zvogëluar pengesat për administrimin e vaksinave dhe duke përdorur çdo shishkë të vetme që kemi në magazinë, tani”, shtoi ai. /GazetaSinjali/