Po vazhdon rritja e rasteve të reja me koronavirus në Kosovë. Në 24 orët e fundit, IKSHPK njoftoi për 96 raste të reja, duke e çuar numrin total të të prekurve me COVID-19 në 2,169.

Prej tyre, të shëruar tashmë janë 1,047 pacientë, ndërsa raste aktive janë 1,086, shkruan Gazeta Sinjali.

Betejën me sëmundjen COVID-19 e kanë humbur 36 persona të cilët kanë pasur edhe sëmundje të tjera shoqëruese.

Përveç numrit në rritje të rasteve të reja, edhe Klinika Infektive po shtohet me pacientë. Sipas raportimit të së dielës, në këtë klinikë janë të hospitalizuar 83 pacientë, prej tyre 42 janë me oksigjeno-terapi, ndërsa katër të tjerë në gjendje të rëndë.

Ndryshe, nga data 08 shkurt deri më 21 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 21.517 persona të dyshimtë në virusin COVID-19. /Gazeta Sinjali