Policia e Kosovës ka arrestuar një person në Pejë pasi i njëjti nuk ka respektuar urdhrat e personave zyrtarë, shkruan Gazeta Sinjali.
Dje rreth orës 20:40, i dyshuari ka sulmuar njërin prej tyre, duke i shkaktuar lëndime të lehta trupore.
Ndërsa, me urdhër të prokurorit i dyshuari është dërguar në mbajtje.
“Pejë 05.11.2020 – 20:40. Është arrestuar një i dyshuar m/k, pasi i njëjti nuk ka respektuar urdhrat e personave zyrtarë dhe ka sulmuar njërin prej tyre duke i shkaktuar lëndime të lehta trupore. Me urdhër të prokurorit i dyshuari është dërguar në mbajtje”, thuhet në raportin 24-orësh të PK-së.
