Qeveria e Kosovës gjatë mbledhjes së sotme nuk e ka përkrahur miratimin e Projektligjit për ndryshimin dhe plotësimin e ligjit për statusin dhe të drejtat e dëshmorëve, invalidëve, veteranëve e pjesëtarëve të Ushtrisë Çlirimtare të Kosovës, viktimave civile dhe familjeve të tyre, shkruan Gazeta Sinjali.

Zëvendëskryeministri nga radhët e LDK-së, Driton Selmanaj, këtë propozim e ka arsyetuar me gjendjen aktuale në vend shkaku i pandemisë COVID-19, derisa ka përmendur edhe mangësitë e projektligjit.

Sipas tij, nuk është paraparë koha prej kur njihet ky status e as nuk është identifikuar se nga ku mund të alokohen mjetet e nevojshme.

Ndërsa, dy nga anëtarët e kabinetit qeveritar kanë votuar kundër mendimit të Qeverisë për mosmiratimin e këtij projektligji. /Gazeta Sinjali/