Kombëtarja e Spanjës përsëri nuk ka arritur t’i arkëtojë pikët e plota në sfidën ndaj Polonisë, shkruan Sinjali Sport.
Furia e kuqe ishte nikoqire e Polonisë në stadiumin e Sevillës “Estadio de La Cartuja”.
Ballafaqimi midis dy reprezentacioneve përkatëse përfundoi pa fitues, 1-1.
Alvaro Morata ka kaluar në epërsi vendasit me golin e minutës së 26-të, nga asistimi i Gerard Morenos.
Futbollisti i vitit 2020 Robert Lewandowski ka barazuar për mysafirët.
Të përzgjedhurit e Luis Enriques kishin mundësi që të kalonin përsëri në epërsi, mirë Gerard Moreno e qëlloi shtyllën nga pika e bardhë.
Spanja me këtë barazim mbetët në pozitën e tretë në Grupin E me dy pikë, ndërsa pika e parë Poloninë e lë në të njëjtën pozitë atë të fundit.
Suedia me katër pikë dhe Sllovakia me tre sosh gjenden në pozitat e para dhe sfidat e radhës që janë të fundit në Grup, përcaktojnë se cilat kombëtare kalojnë tutje.
Dy kapitenët Robert Lewandowski dhe Jordi Alba me notën 7.5 u vlerësuan më së larti në këtë takim, ndërsa Alvaro Morata edhe pse shënoi për spanjollët kishte notën më të ulët 6.4, njashtu edhe Jakub Moder.
Notat e lojtarëve nga sajti “Sofa Score”:
