Në kuadër të projektit me titull “Mbështetje për kthim të qëndrueshëm të personave të zhvendosur intern në Kosovë”, që financohet nga Bashkimi Evropian e të cilin në praktikë e realizojnë organizatat ASB dhe CenTrir në Serbi, po ndahen mjete të majme parash për serbët që vendosin të kthehen në Kosovë.

Siç bën të ditur JuGmedia vesti e Serbisë, organizata ASB ka shpallur thirrje publike për personat e ikur që dëshirojnë të kthehen në vendlindjen e tyre që të konkurrojnë për mjete pa kthim si mbështetje me vlerë 2.500 euro dhe për trajnim për hapje të vendit të ri të punës.

Thirrja e shpallur ka të bëjë me personat e zhvendosur të cilët jetojnë në Krushevac, Kragujevc, Kralevë, Çaçak, Rashkë, Arangjellovac, Tërstenik, Banje të Vranjës, Vranjë e Buyjanovc.

Përmes këtij projekti, siç raportohet, do të sigurohen pajime për 54 familje dhe trajnimi për hapjen e punës së re për 90 familje.