Në Podujevë dyshohet për një rast me koronavirus, pasi një person është dërguar në Klinikën Infektive në Prishtinë për t’i bërë analizat.

Këtë e ka konfirmuar për Gazetën Sinjali Drejtori i QKMF-së, Fahri Llugaliu, i cili ka thënë se një person është dërguar me emergjencë, por ai nuk ka pranuar ta quaj si të dyshuar, duke thënë se nuk është i konfirmuar me koronavirus.

“Nuk ka rast të dyshuar, një është dërguar me shërbimin e emergjencës, nuk është konfirmuar me kornavirus. Të dyshuar ka plotë, edhe unë e ti jemi të dyshuar. Sot është dërguar një rast në Prishtinë, por jo i dyshuar, jo që kemi konfirmim me rast të koronavirusit”, ka thënë Fahri Llugaliu për Gazetën Sinjali.

Ai ka deklaruar se Podujeva nuk është e prekur nga koronavirusi.

Ndërsa, infermieri Brahim Brahimi nga Emergjenca e Podujevës e ka konfirmuar se personi i dyshuar ka ardhur nga Italia dhe sot ka pasur shenja që dyshohet për Covid-19. /Gazeta Sinjali/