Një infermiere në Qendrën Kryesore të Mjekësisë Familjare në Han të Elezit është infektuar me koronavirus.

Kështu ka bërë të ditur një sinjalizues i Gazetës Sinjali, ndërsa rastin e ka konfirmuar edhe drejtoresha e Shëndetësisë në këtë komunë, Medina Imishti.

Imishti ka njoftuar se infermierja në fjalë është vetizoluar në shtëpi, ndërsa stafi mjekësor në këtë qendër po vazhdon punën akoma.

“Po, një infermiere e QKMF-së sot ka rezultuar pozitive në testin për koronavirus. Ka pasur disa simptoma dhe për atë arsye është testuar. Gjendja e saj është e mirë. Është vetizoluar në shtëpi, ndërsa stafi mjekësor nuk është izoluar sepse kanë pasur pajisje mbrojtëse. Përveç infermieres, edhe një tjetër mjek para dy javësh ka rezultuar pozitiv me COVID-19, por po pret konfirmimin nga IKSHPK që është shëruar dhe t’i kthehet punës”, ka thënë Imishti./Gazeta Sinjali/